24-11-2009

一．我的最愛

看了這個poster心裡又突然傷心起來，

要知道聖誕節能看艾粒的舞台劇是一件超超超開心的事．

上上年已經傳言，有可能是最後的一次的ＳＨＯＷ．

結果，上年無得睇；今年，真正是艾粒的最後一次

而我竟然在澳洲，真的想提早一點回來，可是我才剛剛買了機票

哎吔．．．要知道現場看跟在家看ＶＣＤ真係差好遠架．

二．投票時間又到了

剛剛做了每年指定要做的投票，

正如阿占所言：今年有人對我說０９年我最喜愛的組合要投野仔，我說不用了．

投艾粒吧，我們值得拿勤工獎的．

如果你也覺得野仔好，那你今年也改一下，投艾粒吧！

艾粒真的很好呀．．．他們走出來只為要大家開心，大家笑

大家睇阿笨與阿占；零舍扮野；愚樂i love you；睇到個個大笑．

12-11-2009

昨天不用上班，留在家中專心煲劇．

專心得連最愛返的英文班都缺席了．

但卻成為了我們在這share house最融洽的日子．

星期一才起了小戰爭，隔兩天又同枱吃晚飯．

希望融洽的時間可以維持到我們離開這裡．

來到澳洲我相信要學習的功課之一是忍耐．

工作時要忍耐，忍那些經常不停叫你做野的姐姐；

你知道嗎，你每天只需要返上午，不停做都只做四小時．

但我每天返上下午，不停做要做八小時，可以俾我懶你少少嗎？

回家時要忍耐，忍那些聽力超強的鄰居；

我們說話的聲音幾乎調較到零度，

但你們在房間都竟然可以俾我地嘈到訓唔到有無可能呀？

買野時要忍耐，忍那些未有特價的而又想買的東西；

要節儉一點，不能隨便花錢．

加上澳洲的一元相等於香港的七元，怎可能不考慮清楚就花錢？

其實仲有好多要忍耐的事，總之在這裡凡事都要忍耐；

惟有忍耐到底必然得救．希望那個底不會是無極限的．

講完，明天再努力忍過．．．

─────────────完────────────────

08-11-2009

今天去捉鮑魚．嘩．．．超興奮呀

之前都知道可以申請licence捉鮑魚，但又聽到有人話今年無得捉．

唔係呀．．．年年都有係我係度果年又無，玩野呀！

但另一方面就算有得捉都唔知可以係邊度捉，又唔識去；

但往往天父總會為我地計劃同安排，結果經歷了不平凡的漁民體驗．

朝早五點半起身，準備出發．

坐朋友車三十分鐘左右去到joondalup海邊，

今天浪比較大，所以基本上整整一個小時都要跟浪對抗．

有時企唔穩會跌倒，但好在ｄ岩石都無想像中咁鋒利．

而且著長褲帶手套，所以跌倒都無受傷．

但洗鮑魚的時候，不小心被餐刀界刂傷．

每人限捉二十隻，但我只係捉到九隻．

好在朋友仔捉得多，所以我地總共有三十八隻拎返屋企

ｄ鮑魚好髒洗佢地都洗左好耐．好攰呀．

不過有得食有得玩，幾攰都值得既．

仲有四個星期可以捉，下次一定要捉到更大更多．

我要將ｄ鮑魚變成乾鮑拎返香港送俾媽媽，希望成功啦．

03-11-2009

親親小袋鼠

來了柏斯一個月左右發現了這裡星期六的天氣好像是設定了．

預設了是太陽超強，風超大．

所以無論你選擇穿怎樣的服飾都一定要穿外套．

不過今個星期的重點不是天氣而是我終於見到袋鼠了．．．超高興

由朋友家中踏單車出發，大約踏４５分鐘就可以去到袋鼠島．

袋鼠島上只有六隻可愛的袋鼠，所以要看到它們都需要小小運氣．

今次我們先後到了兩個它們經常出現的地方尋找，但都不見影蹤．

我們當然唔可以咁容易放棄，全靠我地的堅持終於見到袋鼠啦．

同我影合照果一隻只要摸佢個頭一下，佢就會搖頭一下．真係好得意架

下次的目標係樹熊，希望可以抱下佢地啦．

30-10-2009

終於終於等到你來．

電腦的叉電器壞了兩星期多了，

今天終於收到了從遠方寄來的新叉電器．

太好了，我終於有電腦用啦．感謝你呀，楊仁風

仍然在perth，每當要上班的日子，

心裡總是想著，要離開要離開．一定要離開依個鬼地方；

但一放假又即刻覺得perth真係好好呀．

好多地方都未去玩，一定要玩完先走．

每天都要是這樣，看來真的要快點找到一份又輕鬆又高薪的工作．

上星期二到茶榮吃了超好的牛腩麵，

心裡即刻諗，依ｄ好味野我係香港都成日食啦．

吃飽飽後，在對面馬路發現一棵超健康的琵琶樹

正當我們去睇下的時候（心裡當然不是想去睇下，而係想去試下啦）

有三位大嬸走近我地，仲以為棵樹係佢地．我地仲諗住走啦．．．

點知佢地竟然伸手幫我地摘Ｄ琵琶俾我地．

我地問：棵樹你地架？？佢地話：唔係喎，我地黎旅行既，唔係試下都唔得呀．．

我地：下．唔會比人鬧咩？？

佢地：唔會呀，我地聽唔明你講咩喎．．．

我地：哈哈哈哈．．．

我最愛的艾粒要開SHOW了．而且可能真的是最後一次了．

但開SHOW的日子我在澳洲．．．

知道這消息後，我差點要哭．是從心底裡真真實實的傷心．